2016 جىلعى 9 اقپان, استانا قالاسى
«قازاقستان رەسپۋبليكاسى اۋىل شارۋاشىلىعى مينيسترلىگى مەملەكەتتىك
قىزمەتشىلەرىنىڭ قىزمەت ەتيكاسىنىڭ قاعيدالارىن بەكىتۋ تۋرالى»
قازاقستان رەسپۋبليكاسى اۋىل شارۋاشىلىعى ءمينيسترىنىڭ
2014 جىلعى 13 قاڭتارداعى № 12-1/14 بۇيرىعىنىڭ كۇشى جويىلدى دەپ تانۋ تۋرالى
«نورماتيۆتىك قۇقىقتىق اكتىلەر تۋرالى» 1998 جىلعى 24 ناۋرىزداعى قازاقستان رەسپۋبليكاسى زاڭىنىڭ 21-1 جانە 43-1-باپتارىنا سايكەس, بۇيىرامىن:
1. «قازاقستان رەسپۋبليكاسى اۋىل شارۋاشىلىعى مينيسترلىگى مەملەكەتتىك قىزمەتشىلەرىنىڭ قىزمەت ەتيكاسىنىڭ قاعيدالارىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ 2014 جىلعى 13 قاڭتارداعى № 12-1/14 بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9138 تىركەلگەن, 2014 جىلعى 24 مامىردا «ەگەمەن قازاقستان» گازەتىندە № 101 (27722) جاريالانعان) كۇشى جويىلدى دەپ تانىلسىن.
2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ كادر جانە اكىمشىلىك قامتاماسىز ەتۋ دەپارتامەنتى (ج.ە. امانباەۆ) زاڭنامادا بەلگىلەنگەن تارتىپپەن:
1) وسى بۇيرىقتىڭ كوشىرمەسىن قازاقستان رەسپۋبليكاسى ادىلەت مينيسترلىگىنە جولداۋدى;
2) «ادىلەت» اقپاراتتىق-قۇقىقتىق جۇيەسىندە رەسمي جاريالاۋدى;
3) وسى بۇيرىقتى قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى اۋىل شارۋاشىلىعى مينيسترلىگىنىڭ جاۋاپتى حاتشىسى ا.ق. ەۆنيەۆكە جۇكتەلسىن.
4. وسى بۇيرىق قول قويىلعان كۇنىنەن باستاپ كۇشىنە ەنەدى.
قازاقستان رەسپۋبليكاسىنىڭ اۋىل شارۋاشىلىعى ءمينيسترى ا.مامىتبەكوۆ.